Centro Cultura Popular Xaquin Lorenzo

  • Aumentar o tamaño da letra
  • Tamaño de letra por defecto
  • Disminiur o tamaño da letra
CCP Xaquín Lorenzo

REVISTA RAIGAME NÚM 40

O número 40 da Revista Raigame, que foi presentada a principios de maio, homenaxea ao escritor ourensán Carlos Casares, sumándose así á celebración do día das Letras Galegas, que neste ano 2017 se lle dedica ao prolífico autor de obras tan emblemáticas como Ilustrísima, Xoguetes para un tempo prohibido, Vento ferido ou A galiña azul.

Nesta ocasión, a revista realizouse coa colaboración especial de Gustavo Adolfo Garrido e a Fundación Carlos Casares, Miguel Valverde Juncal, Ángela Villar Fandiño e Mª Isabel Almuíña González, e contou cos artigos de 18 autores: Alba Cid, Malores villanueva, Carmen Mejía, María López Sández, Laura Piñeiro Pais, Patricia Arias Chachero, Gustavo A. Garrido, Alfonso Vázquez-Monxardín, Pilar Sampedro, Inma López Silva, Luis González Tosar, Ana Luna Alonso, Iolanda Galanes, Lasse Söderberg, Miguel A. Fernández, Chus Martínez Domínguez, Manuel Janeiro, Miguel Valverde Juncal e o debuxante Siro que deseñou a portada para a ocasión.

Estes autores, procedentes do campo da docencia (secundaria e universitaria), escritores de poesía, narrativa e ensaistas, críticos de cine e de arte, deseñadores gráficos, fan nos seus artigos un repaso pola vida de Carlos Casares, a súa obra literaria, o seu traballo na editorial Galaxia, a súa relación co cine e coas artes plásticas, etc., logrando así unha publicación que ofrece unha ampla e completa visión do autor ourensán e que ten como peche unha exhaustiva bibliografía.

 

“CENTRO DE CULTURA POPULAR XAQUÍN LORENZO”

Antecedentes

O Centro de Cultura Popular “Xaquín Lorenzo Fernández” foi creado no ano 2004, ano no que se lle dedicou o Día das Letras Galegas ao insigne etnógrafo ourensán Xaquín Lorenzo Fernández. O Centro de Cultura Popular naceu a partires dunha transformación da Escola Provincial de Danza da Deputación de Ourense. 

A Escola Provincial de Danza, dende a súa creación en 1984, viña desenrolando unha intensa actividade no eido da música e da danza popular. Paralelamente a este labor pedagóxico, estaba desenrolando unha serie de actividades de investigación e difusión da nosa cultura popular, seguindo a traxectoria comezada no seu día polo Colectivo Cultural Castro Floxo que como é ben sabido comezara a súa andaina a finais dos anos 70 asesorado por D. Xaquín Lorenzo.

Ler máis...