Centro Cultura Popular Xaquin Lorenzo

  • Aumentar o tamaño da letra
  • Tamaño de letra por defecto
  • Disminiur o tamaño da letra
CCP Xaquín Lorenzo

REVISTA RAIGAME 44 Centenario NÓS

Vén de ser presentada a revista Raigame 44 que nesta ocasión, e co gallo do centenario do nacemento da revista Nós (30 de outubro de 1920), está dedicada integramente a afondar nos contidos, na estética e na relación con Ourense desta publicación que no primeiro terzo do S. XX significou unha vangarda no campo cultural, artístico e político do país. Coordenada por Xosé C. Sierra e Delfín Caseiro, este número conta coa colaboración de Francisco Fariña quen analiza o estudo da prehistoria na revista Nós; Xosé C. Sierra diserta sobre a evolución da etnografía e o folclore; Luís Martínez-Risco escrebe sobre a relación da revista e Ourense, orixe de unha boa parte dos seus colaboradores; Mecedes Rozas estuda a estética de Nós; Pérez Lema aporta un artigo sobre o ideario político, económico e xurídico; Encarna Otero aborda a relevancia da muller no tempo de Nós; Camiño Noia analiza a narrativa oral na revista; Xosé Fernández Fernández afonda na cuestión da educación publiciación; e por último, Delfín Caseiro centra o seu artigo no problema lingüístico e como se trata na revista Nós.

Deste xeito, o número Raigame 44 dá unnha ampla visión sobre o que representou a revista Nós para a sociedade galega, centrándose non nos seus colaboradores (que de moi diversas formas xa foron homenaxeados e estudados en numerosas publicacións), senón nos temas que eran abordados nos artigos e no coidado que se puña na súa presenteación (a estética da revista) na publicación. A revista, distribuída gratuitamente entre biblicotecas, museos, centros culturais e centros educativos, tamén pode ser solicitada nas oficinas do CCP Xaquín Lorenzo e no Servizo de Publicacións da Deputación de Ourense.  

 

“CENTRO DE CULTURA POPULAR XAQUÍN LORENZO”

Antecedentes

O Centro de Cultura Popular “Xaquín Lorenzo Fernández” foi creado no ano 2004, ano no que se lle dedicou o Día das Letras Galegas ao insigne etnógrafo ourensán Xaquín Lorenzo Fernández. O Centro de Cultura Popular naceu a partires dunha transformación da Escola Provincial de Danza da Deputación de Ourense. 

A Escola Provincial de Danza, dende a súa creación en 1984, viña desenrolando unha intensa actividade no eido da música e da danza popular. Paralelamente a este labor pedagóxico, estaba desenrolando unha serie de actividades de investigación e difusión da nosa cultura popular, seguindo a traxectoria comezada no seu día polo Colectivo Cultural Castro Floxo que como é ben sabido comezara a súa andaina a finais dos anos 70 asesorado por D. Xaquín Lorenzo.

Ler máis...